bidasoamedia bidasoamedia

Lakaxitako Harrera Gunea itxi dute

Gau hotz baten ondotik, ihintza pundua dugu goiz hontan. Hala eta guztiz ere, atzo Lakaxita gaztetxean bildutako 30 lagunek bertan egin dute lo, batzuk barruan, eta gainerakoak kanpoko xapitopean. Baina azken aurreko gaua zuten hau. Irungo Harrera Sareak baieztatu digunez, astearte hontako gaua izango baita azkena. Bihar migratzaileentzako harrera gunea itxi eta desmantelatuko baitute.

Abian da “Mary Shellyren Frnakestein. 200 urte zatiak josten” zikloa

Joan den astean herriko ikastetxe eta Talaia institutoan proiektua aurkeztu ondotik, eta abuztuaren 31az geroztik bisita daitekeen Zuloaga Etxeko erakusketak oihartzun handia izan ondotik, mimo handiz antolatutako zikloari abiada emango diote.

Alardearen afera Batzar Nagusien Emakumeen eta Gizonen Berdintasunerako Batzordean eztabaidatu da

Atzo Emakumeen eta Gizonen Berdintasunerako Batzordea ospatu zen Gipuzkoako Batzar Nagusietan. Jaizkibel konpainiako Izaskun Larruskain kapitain ohiak hartu zuen hitza taldearen izenean, eta joan den irailaren 8an Hondarribiko Kale Nagusian jasan zituzten erasoen aldean, Alardearen gatazkaren konponbidea nahi duen herritarren gehiengo bat dagoela nabarmendu zuen.

Eva Campo Muller bekak 6000 euro eskaintzen ditu tokiko garapenerako proiektuentzat

Eva Campo Muller elkarteak, tokiko garapen komunitarioko proiektuak sustatzeko, 6.000 € beka deialdia jarri du abian lehen aldiz. Irabazleak 6 hilabetean burutu beharko du aurkezturiko proiektua. Egitasmoak azaroaren 30a baino lehen aurkeztu beharko dira, eta irabazlea 2018ko abenduaren 31 baino lehen emango da jakitera.

Kepa Ordoki elkartea aurkeztu dute

Kepa Ordoki Memoria Historikoa Bidasoan Elkartea sortu dute Irun, Hondarribia eta Hendaiako bizilagun talde batek. Bidasoa bailaran askatasuna, demokrazia eta justizia sozialaren alde borrokatu edo bizitza eman zuten pertsonen oroitzapen historikoa berreskuratzea da elkartearen egitekoa, haien ideiei duintasuna eman eta horiek zabalduz. Elkarteak, 1936ko altxamendu faxistaz gain, frankismoa eta trantsizioa deituriko epeak aztertuko ditu, 1936tik 1978ra beraz. Tokiko ikuspuntua emango diete landutakoei.

"Erritu" estreinatuko du Kukaik Hondarribian

Programatzaileei begira zenbait jaialdi bisitatu eta gero, eta bi aste barru hiriburuetako birari ekin aurretik, Erritu ikuskizun berriaren aurre-estreinaldia egingo du igandean Kukai Dantza Konpainiak. Hondarribiko Itsas Etxea Auditoriuma aukeratu dute horretarako, eta bertan ari dira gaur eta bihar lanean.

Balio hirukoitza du Zinebai proiektuak

Ikusteko zailtasun larriak dituzten pertsonek euskarazko pelikulak zineman “ikusi” ahal izatea bilatzen duen Zinebai proiektua babesteko aukera ezin hobea dago bihar, asteazkenez. Goizeko hamarretatik hasita eta 24 orduz, hau da, osteguneko 10:00ak arte, Zinebairen alde goteo.org atarian egiten diren ekarpenek balio hirukoitza izango dute. Proiektuak jasotzen duen euro bakoitzeko Gipuzkoako Foru Aldundiak beste bi jarriko ditu.

Ramon Iribarren pasealekuko haur parkea txukunduko dute

Aste honetan hasi da udala Ramon Iribarren pasealekuko haur parkeko lurra aldatzen. Obrak bi aste iraungo du eta aurrekontua 40.000 eurokoa da BEZ barne.

Granollersek ere ezin izan du Bidasoarekin

Atzoko partiduaren ostean, Bidasoa zazpigarrena da Asobal Ligako Sailkapen nagusian zazpi puntu eskuratuta. Bigarrenaren puntu berdinak ditu Jacobo Cuetararen taldeak eta ez du itxura kasualitatea denik.Atzokoa norgehiagoka gogorra izan zen, benetan Bidasoa noraino heldu daitekeen zehaztu zezaken partiidua, eta seriotasun handiarekin 28-27 gailendu zen etxeko taldea.

Real Unionek lehen garaipena lortu du Stadium Galen

Beharrezkoa zen garaipena eskuratu zuen atzo Real Unionek. Bi aurpegi desberdin erakutsi zuen talde irundarrak norgehiagokan zehar. Lehenengo zatian, denboraldiko jokorik onena praktikatu zuten, eta bigarrenean ordea, errealaren harrobiko taldearen mende egon ziren. Garrantzi handiko hiru puntu ziren atzokoak kontuan hartuta txuribeltzen hurrengo partidua Anduvan izango dela Mirandesen aurka.