bidasoamedia bidasoamedia

Real Unionek lehen garaipena lortu du Stadium Galen

Beharrezkoa zen garaipena eskuratu zuen atzo Real Unionek. Bi aurpegi desberdin erakutsi zuen talde irundarrak norgehiagokan zehar. Lehenengo zatian, denboraldiko jokorik onena praktikatu zuten, eta bigarrenean ordea, errealaren harrobiko taldearen mende egon ziren. Garrantzi handiko hiru puntu ziren atzokoak kontuan hartuta txuribeltzen hurrengo partidua Anduvan izango dela Mirandesen aurka.

Real Union atsedenaldira bi golen errentarekin joan zen. Juan Dominguezen mutilak sutsu hasi zuten norgehiagoka, presio handia ezarri zuten zelai aurretik haratago eta Sansek baloiaren jabetza txiki izaten zuen. Horrela, presioko lanaren ostean, hirugarren minutuan Alain Eizmendik lehen gola sartu zuen. Sekulako jokaldia egin zuen beasaindarrak eta baloia sareetara bidali zuen maisutasunez. Bidasoatarren bigarren gola Mikel Orbegozok egin zuen. Aurrelaria hiru partiduren ostean bueltan zen hamaikakora eta denboraldiko laugarren gola eskuratu zuen. Lehen golan bezala, Alain Eizmendi protagonista izan zen berriro ere, bera izan baitzen golaren pasea eman zuen arduraduna.

Bigarren zatian ordea, Imanol Alguacilen jokalariek jokoaren jabeak egin ziren eta turibeltzak atzera egin zuten. Minutuak aurrera joan ahala, txuribeltzen fisikoa behera zihoan eta Sansek etxeko taldearen defentsan eragin handiagoa zuen. Horrela, Djouhraren jokaldi baten bidez, Esnaolak penaltia egin eta LapeƱak 2-1ekoa markagailuan jarri ondoren, norgehiagoka amaierara iritsi zen.

Esan bezala, Real Unionen hurrengo partidua zelai zail batean izango da, Anduvan hain zuzen Mirandesen aurka. Jaurdunaldi honen ostean, txuribeltzak bederatzigarren postura igo dira eta playoff postuak lau puntura dituzte.