bidasoamedia bidasoamedia

Emakume bertsolariek jaso dute Berdintasunaren Hiria Saria

Garai bateko eta gaur egungo emakume bertsolariek jaso dute aurten Jaizkibel konpainiak ematen duen Berdintasunaren Hiria Saria. Larunbatean, irailaren 2an egin dute sari banaketa ekitaldia Kultur Etxean, Jaizkibel Konpainiaren entseguarekin bat eginez.

Elbarrientzako lagundutako bainu zerbitzua eskaintzen dute Hendaian eta Hondarribian

Elbarrientzako lagundutako bainu zerbitzua martxan dute Hendaiako eta Hondarribiko Hondartzetan, udaran zehar. Aintzindariak dira biak, dira bakoitza, Gipuzkoan eta Lapurdin. Hortaz, Bidasoako hondartzak erreferentzi dira inguruko mugikortasun zein adimen-urritasuna duten pertsonentzat.

Alarde parekideari harrera egiteko eskatu dio EH Bilduk Irungo Udalari

Alarde parekidearekin Irungo Udalak azken urteetan izan duen jarrera salatu du EH Bilduk. Gainera, eskaera zuzena egin diote Jose Antonio Santano alkateari, ekainaren 30ean Alarde Publikoari harrera egin diezaion.

Martxoaren 8rako egitarau zabala prestatu dute Irunen

Egitarau bateratua prestatu dute Irungo Udalak eta hiriko zenbait emakume talde nahiz hezkuntza zentrok. Martxoaren 8a, Emakumeen Nazioarteko Eguna ospatzeko bat egin dute. “Berdintasunarekin dugun konpromisoa nabarmentzea dugu helburu”, baieztatu dute.

Oihana Etxebarrieta: “Denok daukagu zer egina eta zer emana arazo honetan”

Oihana Etxebarrieta Irun eta Euskal Herri mailako bilgune feministako kidea da eta azken hauteskundeetatik EH Bilduko Legebiltzarkidea. Herri mugimendutik dator Etxebarrieta eta parlamentu barrura salto egiteak, fase berri baten urrastzat hartu du. Lege biltzarrean sartu arren, hanka bat barruan mantentzea eta bestea kanpoan, militantzian, mantentzeko helburua dauka, herri mugimenduetan landurikoa parlamentura pasatzeko.

Alardeen gatazka konpontzeko saiakera egingo dute zenbait erakundek

Gipuzkoako Foru Aldundia, Emakunde eta Arartekoa Irungo eta Hondarribiko alkateekin bilduko dira, azaroan. Alardeen inguruko gatazkari konponbidea ematea izango da haien helburua.

Jaizkibel konpainiari buruzko erakusketa ikus daiteke

Hondarribiko Jaizkibel konpainiaren aldarrikapenak 20 urte bete ditu aurten. 1996an egin zuten Alardean desfilatzeko lehen saiakera. 20 urteko ibilbideari buruzko erakusketa prestatu dute horren harira, eta irailaren 30era arte ikus daiteke Arma Plaza kultura eta turismo gunean, 10:00etatik 19:00etara.

Alardeei buruzko zuzenketak hitzartu dituzte EAJk eta EH Bilduk Eusko Legebiltzarrean

Irungo eta Hondarribiko alardeen eta konpainien inguruko zuzenketak hitzartu dituzte EAJk eta EH Bilduk. Aho batez onartu ditu Eusko Legebiltzarrak. Erdibideko zuzenketak dira, EH Bilduk bultzatu zituen, eta EAJk, negoziazioen ondoren, onartu egin ditu. Ez dute, hala ere, EH Bilduk eskatu nahi zuen guztia jasotzen. “Motz geratzen da gaur onartutakoa, baina egia da tunelaren amaieran argia ikusteko balio dezakeela”, onartu du Diana Urrea EH Bilduko legebiltzarkideak.

Berdintasun ordenantza eskatu du Ezker Anitzak Irunen

Irungo berdintasun ordenantza egiteko prozesua martxan jartzeko eskatu dio Ezker Anitza taldeak udal gobernuari. III.Berdintasun Plana onartu duen arren, berdintasun ordenantza martxan jartzeko urratsik eman ez duela salatu du Ezker Anitzak.

Berdintasunaren ikuspegitik landuko dute hizkuntza Oiasson

Hizkera ez sexistari buruzko ikastaro laburra antolatu du Irungo Gaurko Andreak Berdintasunaren Aldeko Elkarteak, Irungo Udalaren eta Gipuzkoako Foru Aldundiaren laguntzaz. “Hizkuntza Berdintasuna eta Komunikazioa” izenburua eman diote, eta hizkuntza berdintasunaren ikuspegitik eta modu inklusiboan erabiltzen ikasteko formazioa izango da. Oiasso Erromatar Museoan egingo dute, otsailaren 3an eta 4an, arratsaldeko 17:30etatik 19:30etara.