bidasoamedia
Bioterra azokaren hamalaugarren edizioa hartuko du Ficoba erakustazokak, ekaineko lehen asteburuan.Elikagai ekologikoen, bioeraikuntzaren, energia berriztagarrien eta kontsumo arduratsuaren azoka da Bioterra. Ekainaren 2tik 4ra irekiko dute, 10:00etatik 20:00etara.
Aste osorako ekintzak antolatu ditu Irungo Udalak, autoa etxean utzita, hirian zehar ibiltzeko beste moduak bultzatzeko. Europako Mugikortasunaren Astearen baitako ekimenak dira, eta irailaren 15etik 18ra egingo dituzte.
Behe Bidasoan kokatuta dagoen Xixare Baratza Elkartea aurkeztu dute apirilaren 29an Irungo Txokogorri elkartean. Ondorengo helburuak ditu elkarteak: baratze kultura hedatzea, garaian garaiko produktuak modu ekologikoan lantzea eta elikagaiekiko harremana sustatzea. Momentuz, 6.000 metro koadroko lurrak kudeatzen ditu elkarteak.
Bioterraren hamahirugarren edizioa ekainaren 3tik 5era egingo dute, Ficoba erakustazokan. Produktu ekologikoen, bioeraikuntzaren, energia berriztagarrien eta kontsumo arduratsuaren azoka da. Ficobak aurreratu du, dagoeneko espazioaren %90 saldu dutela, eta hortaz, iaz bezala erakustazokako hiru pabiloiak erabiliko dituztela. Sektore ekologikoan azoka erreferentea dela baieztatu du Monica Alday zuzendariak: ‘Sektorearen hazkundea nabari da Bioterran’.
5.000 ikasle inguru ari dira aurten Irungo Eskolako Agenda 21 programan. Irungo Udalak sustatzen du, Garapen Jasangarriko departamenduaren bidez. Hamabigarren edizioa du programak, eta hondakinen kudeaketaren gaia hautatu dute aurten. Zortzi ikastetxetako haurrak ari dira Eskolako Agenda 21en lanean. Ondorengoak dira: Dunboa, Eguzkitza, Elatzeta, Hirubide, Irungo La Salle, Toki Alai, Txingudi eta Pio Baroja.
Gipuzkoako Foru Aldundiak Hondarribiko Udalari jakinarazi dio identifikatu gabeko behi-hazienda dagoela Jaizkibel mendian, udalaren lurretan. Animalia basatiak dira, eta arriskutsuak izan daitezke mendia erabili eta kudeatzeko, eta mendi ibilbideetan gozatzeko. “Behi handiak eta oldarkorrak dira”, onartu du Juan Luis Silanes zinegotziak: “Udalaren larreak dira, baina kudeaketa Gipuzkoako Foru Aldundiari dagokio”.
Eraikin publikoetako eta partikularretako argiak itzaltzeko deialdia da “Planetaren ordua” ekimena. Klimaren Aldaketaren aurkako borroka posiblea dela ikusarazteko helburua du. Irungo Udalak dagoeneko jakinarazi du aurten ere bat egingo duela ekimenarekin. Martxoaren 19an izango da, larunbatarekin, iluntzeko 20:30etatik 21:30etara.
Zine ekologikoaren zikloa da Ekozinemaldia, eta Ekologistak Martxan taldeak antolatzen du. Euskal Herrian zehar dabil asteotan, eta Irunen ere geldialdia egingo du. Bi film proiektatuko dituzte, martxoaren 17an, ostegunarekin, Irungo Kabigorri Ateneoan. Energiaren gaiari buruzko filmak izango dira. Arratsaldeko 19:00etan hasiko da emanaldia.
Leitzaran eta Bidasoa ibaien arroak eta haien ibai adarrak hobetzeko proiektua aurkeztu dute. Zeregin horretan elkarlanean aritu dira Gipuzkoako Foru Aldundia, Nafarroako Gobernua, eta Eusko Jaurlaritzari atxikitako Ura Uraren Euskal Agentzia. Hazi fundazioak ere parte hartu du.
Bizi Baratzea liburuaren aurkezpena egingo du Jakoba Errekondok Hondarribian, EH Bildu udal taldeak antolatuta. Ostegunean, abenduaren 10ean izango da, 19:00etan Alde Zaharreko Kultur Etxean (Denda kalean). Aurkezpenaren ondoren, hitzaldia emango du, baratzako produktuen eta landareen inguruan, eta horien landaketari eta zaintzari buruz. Hizlariari edozein zalantza galdetzeko aukera egongo da.