bidasoamedia bidasoamedia

Txotx denboraldia hasi da Ola Sagardotegian

Txotx denboraldi berri bati hasiera eman zion Ola Sagardotegiak urtarrilaren 21ean. Txalapartak, trikitixak eta bertsolariek giroturiko bazkari jendetsuan sagardo ekoizpen berriaren emaitzak dastatzeko aukera izan zuten bertan bildu zirenek. Gainera, urtero bezala, gonbidatu berezia izan zuten, Ketxus Ponce hondarribiarra izan baitzen 2018ko sagardo denboraldia inauguratzeko ohorea eduki zuena.

“Maite ditut akatsak, bide berriak irekitzen dituztelako”

Eguberriak Irunen pasa ditu Mikel Alonso sukaldariak (Biarritz, 1971), aspaldiko partez. Bi hamarkada daramatza Mexiko Hirian, azkena, Biko jatetxe famatuan, Bruno Oteizarekin batera. Mexikon, gastronomiaren podiumeko lehen tokietan dabil beti. Mundu mailan ere, berrogeita hamar onenen artean kokatzen dute zerrenda nagusiek.

Bikoren lehen etapa amaitu berri da abenduan. Ateak itxi ditu jatetxeak, eraikinean obrak egin behar dituztelako. Bide batez, kokapena aldatzeko baliatu dute jabeek. Lanean dabiltza orain, eta hori dela eta, Gabonetan Irunera etortzeko aprobetxatu du Alonsok. Emazte eta seme mexikarrek ere gustura zeharkatzen dute Ozeano Atlantikoa, tarteka. Café Irunen erantzun du elkarrizketa.

Erdi Aroko Pintxo Lehiaketa egingo dute datozen asteetan Hondarribian

Hamar jatetxe hartuko ariko dira lehian Hondarribiko Erdi Aroko X. Pintxo Lehiaketan. Pintxoak prestatzeko, Erdi Aroan Europan ezagutzen ziren osagaiak erabili beharko dituzte soilik. Ekainaren 2tik 14ra eskainiko dituzte haien barretan.

Hondarribira joan da berriro Euskal Herriko Pintxo Txapelketa

Hondarribiko Sardara tabernako Gorka Soutok eta Martin Merinok irabazi dute aurten Euskal Herriko Pintxo Txapelketa. “Barbalada” pintxoa izan da saritua. Hiru testura ezberdinetan egindako bakailaoa erabili dituzte pintxoa osatzeko: azal kurruskaria, tenperatura txikian lauzatutakoa eta brandada. Lagungarri gisa, hiru saltsa: keztatutako mahonesa bat, baratxuri beltz ali-olia, eta piper gorri, lima eta txiledun mermelada bat.

Erdi Aroko Pintxo Lehiaketa egingo dute Hondarribian

Ekainaren 3tik 15era egingo dute Hondarribiko Erdi Aroko Pintxo Lehiaketa. Irabazleak Nazioarteko IX. Erdi Aroko Pintxo Lehiaketan parte hartzeko txartela eskuratuko du. Erdi Aroko Hiri eta Hiribilduen Sareak antolatuta, urriaren 7tik 9ra izango da, Consuegran (Toledo).

Hondarribiko Sardara saritu dute bakailao pintxoen lehiaketan

Gipuzkoako Bakailao Pintxoen II. Lehiaketa egin dute Irunen. Irabazlea Hondarribiko Sardara jatetxeko Martin Merinok egindako pintxoa izan da. Bigarren tokian Donostiako Zazpi jatetxea geratu da, eta hirugarren izan da Errenteriako Xera Gastroteka. Aipamen berezi bat ere egin dute. Donostiako Oquendo tabernak jaso du. Bestalde, garagardoarekin modu onenean bat egiten zuen pintxoaren saria Donostiako Aratzek lortu du.

Irun izango da Gipuzkoako Bakailao Pintxo Txapelketaren erdigune

Bigarren aldiz antolatu dute Gipuzkoako Bakailao Pintxo Txapelketa. Bidasoko Bakailao Enpresen Elkarteak eta Bacalao Saborealo elkarteak babestu dute txpelketa. Irun izango da erdigunea, bertan egingo baitute sari banaketa.