bidasoamedia bidasoamedia

Lonan Garciaren ZONA-84 lanak irabazi du Irungo Gazte Bideo Txapelketa

Abenduaren 28an egin dute Irungo Gazte Bideo Txapelketaren XX.edizioaren sari banaketa. Sail ofizialeko saria Bartzelonako Lonan Garciak lortu du, “Zona-84” lanarekin. 1.500 euroko saria eman diote. Fikzio futuristan girotutako film labura da, Bartzelona apokaliptiko batean kokatua. Munduko oinarrizko baliabideekiko dagoen botere gehiegikeria salatzen du filmak.

223 lan jaso dituzte Irungo Gazteen Bideo Lehiaketan

Abenduaren 26tik 29ra egingo dute aurten Gazteen Bideo Lehiaketa, Irunen. 223 film labur jaso ditu Irungo Udalak, eta parte hartzearen balorazio baikorra egin du: “Iazko ekitaldiarekin alderatuta, hazkundea agerikoa izan da”. 170 lan jaso zituzten joan den urtean.

Bueltan da Asexorate

Irungo CBAn egingo dute berriro Asexorate sexualitatearen ikuspegi positibo eta osasungarria bultzatzeko programa. Iaz jarri zuten martxan lehen aldiz, eta hartzaileen balorazioa baikorra izan zela baieztatu du Josune Gomez Gazteria arloko ordezkariak.

Gazte Bermearen Sisteman izena eman daiteke Irunen

SIJ+ Gazte Bermearen Sistema barruan sartu da Irungo CBA kultur gunean dagoen Igazte Gazte Informazio Bulegoa. Ikasi edo lanik egiten ez duten gazteek izena eman dezakete bertan, lan eskaintzak eta informazioa jasotzeko. Azpimarratzekoa da aitzindaria dela Irungo bulegoa, Gipuzkoako bakarra delako zerbitzu hori eskaintzen, Arrasatekoarekin batera.