bidasoamedia bidasoamedia

Lanbideren ordainketa okerrek kaltetutako irundarra da Aitor Perez

DSBE Diru Sarrerak Bermatzeko Errenta suspenditu dio Lanbide Euskal Enplegu Zerbitzuak. Gainera, zazpi espediente ireki dizkio, bidegabeko ordainketengatik. Horien arabera, 10.000 eurotik gorako zorra du Perezek Lanbiderekin. Hileroko 30 euroko kuota baten bidez ordaintzen ari da, oraingoz. “70 urte ditudanean amaituko dut”, zehaztu du.

Emakume bat etxegabetu dute Hondarribian

Hondarribiko emakume batek martxoaren 8ko goizean eduki du hitzordua epaitegian, Banco Popular banketxeko abokatuarekin, Mendeluko Josu Langilea kaleko etxeko giltzak emateko. Juan Mari Altuna alkateordeak lagunduta joan da epaitegira, eta udaleko Gizarte Zerbitzuek harentzako irtenbide bat bilatzen duten bitartean, Irungo ostatu batean dago.

Irungo Gizarte Jantokiak ateak zabalduko ditu Eguberri Egunean

Bazkari berezia egingo dute abenduaren 25ean Irungo Gizarte Jantokian, egunerokoan bitartekoa erabiltzen duten pertsonentzat. Menu berezia prestatuko dute, eta 13:00etatik aurrera zabalduko dituzte ateak. Ez da plaza mugarik izango.

Haurrentzako harrera familien bila ari da Gipuzkoako Foru Aldundia

Benetako Besarkadak egitasmoa martxan jarri du Gipuzkoako Foru Aldundiak. Haren bitartez, babes beharrean dauden haurrentzako harrera familiak lortu nahi ditu erakundeak. Modu boluntario eta solidario batean, haur horiek etxean hartzeko prest dauden pertsonak erakarri nahi dituzte.

Abian da hotzaren kontrako zerbitzua Irunen

Hotzaren kontrako zerbitzua martxan jarri du Irungo Udalak, azken asteetan tenperaturek behera egin ondoren. Etxerik ez dutenei zuzendutako zerbitzua da, logela, edari beroa eta gosaria eskaintzeko helburua duena.

Errefuxiatuen inguruko erakusketa ikus daiteke Oiasson

Errefuxiatuen gaia ardatz duen erakusketa jarri dute Irungo Oiasso Museoan. Askatasunarte erakundeak antolatutako lehiaketara aurkeztu dituzten lanek osatzen dute erakusketa. Lehiaketa horrek, artearen bidez gai sozialen inguruan kontzientziatzea du helburu.

Adinekoen eguna ospatuko dute Irunen

Adinekoen Nazioarteko Eguna izango da ostiralean, urriaren 14an. Hori dela eta, egitarau berezia antolatu du Irungo Udalak. Egun horren harira, Iraso eta Luis Mariano adinekoen zentroetan eta San Migeleko eta Belaskoeneko adinekoen lokaletan eta Leka Eneko apartamentuetan ate irekiko jardunaldia edukiko dute.

Egoera ekonomiko ahulean daudenak babesteko hitzarmena sinatu dute Irungo Udalak eta Iberdrolak

Beharrezkoak diren koordinazio tresnak ezartzeko akordioa sinatu dute Irungo Udalak eta Iberdrolak, egoera ekonomiko ahulenean dauden irundarrek fakturak ordaintzen ez dituztenean, argindarraren edo gasaren hornikuntza eten ez diezaieten. Hitzarmenak urte bukaerara iraungo du, baina baieztatu dute “modu tazituan” berrituko dutela urtero.

Kalera irtengo da Emaus

“Emaus plaza” ekimena egingo dute urriaren lehenean Zabaltza plazan, Emausek eta Irungo Udalak antolatuta. Udalaren diru-laguntzarekin, altzariak zaharberritzeko tailerrak antolatu ditu Irungo Emausek udaran zehar, eta horietan egindako lana gizarteratuko dute, fundazioaren berri emateaz gainera.

Erroldatze soziala aldarrikatu du Korapilatuz-ek

Irunen erroldatu nahi duen jendeak sarritan topatzen dituen trabak salatu ditu Korapilatuz plataformak. Bitartekotzarako Erakundeen eta Profesionalen espazioa da Bidasoan. Errolda Legearen arabera, edonor errolda daiteke, bizi den tokian bizita ere. Izan zubi bat, banketxe bat edo auto bat. Horregatik, arrazoi ezberdinengatik zailtasunak dauden kasuetan, espazio publiko batean erroldatzea proposatu Korapilatuz-ek (jantoki sozialean, aterpetxean….), erroldatze sozialaren bidez.