bidasoamedia bidasoamedia

Azken eraso matxistek erantzuna izan dute Bidasoan

Asteotako eraso matxisten aurkako kontzentrazioa deitu zuen TAS Txingudi Anti Sexista plataformak ostiralean, urtarrilaren 20an, 19:30etan Zabaltza plazan. Bertaratu zirenek “nazkatuta” daudela adierazi duten. Hausnarketa indibidual eta kolektiborako deia luzatu zuten, eta erakundeei “ardura” eskatu zieten.

Azaroaren 25erako bat egin dute Irungo emakumeen elkarteek

Emakumeen Kontrako Indarkeriaren Aurkako Nazioarteko Eguna da azaroaren 25a. Horren harira hainbat ekitaldi antolatu dituzte Irunen, Udalak eta hiriko emakumeen elkarteek bat eginez. Jose Antonio Santano alkateak nabarmendu du azaroaren 25ean ez ezik, urte osoan zehar hiriko elkarteek egiten duten lana: “emakumeen eta gizonen berdintasuna bermatu behar da, eta horretarako ezinbestekoa da hiriko emakumeen elkarteek urtean zehar ere egiten duten lana”.

Memoriaren alde bat egin dute Irungo eta Hondarribiko talde politikoek

Memoriaren Eguna da azaroaren 10a, eta Hondarribiko eta Irungo Udaletako talde politikoek batera ospatu dute. Hondarribian, kontzentrazioa egin dute arkupeetan, 12:00etan. Adierazpen bateratua egin dute gainera, EAJ, Abotsanitz, EH Bildu, PSE-EE eta Ppko ordezkariek. “Gure herrian indarkeriak eragindako biktimak gogoan hartu nahi ditugu”, adierazi dute, besteak beste.

Glencree dokumentala emango dute Hondarribiko Kultur Etxean

Bizikidetzaz Blagan ekimenaren baitan, euskal gatazka politikoko biktimen arteko elkarrizketei dagokienez, Irlandan izan zen esperientzia ezagutuko dute Hondarribian. Glencree, elkarrekin egindako bidea dokumentala emango dute azaroaren 3an, 19:00etan, Kultur Etxeko 103 aretoan. Emanaldia amaituta, gaiaren inguruan eztabaidatzeko parada izango da.

Genero indarkeriaren kontra, bi deialdi

Bi hitzordu egongo dira azaroaren 25ean Irunen, Genero Indarkeriaren Kontrako Egunaren baitan. Batetik, Irungo Udalak eta zenbait emakumeen elkartek antolatu duten elkarretaratzea. 18:00etan izango da, Zabaltza plazan, “Emakumeen aurkako indarkeria gehiagorik ez” goiburuarekin.

Hondarribiko Udaleko alderdiek bat egin dute emakumeen aurkako indarkeriaren kontra

Emakumeen Aurkako Indarkeriaren Kontrako Eguna izango da asteazkenean, azaroaren 25ean. Gaiarekin lotuta, adierazpen instituzionala onartu dute Hondarribiko Udaleko alderdi guztiek (EAJ, Abotsanitz, EH Bildu, PSE-EE eta PP). Indarkeria matxista mota guztiak gaitzetsi ditu udalak testuan: “Gure gaitzespenik irmoena adierazi nahi dugu emakumeen aurkako edozein indarkeria adierazpenekiko, zeinahi ere den (fisikoa, psikologikoa, sexuala, sinbolikoa…), bai halaber sexismo-modu guztiekiko, barne daudelarik finenak eta normalizatuenak, hala nola sexuen araberako rol estereotipatuak ezartzea edo bizitzaren esparru askotan emakumeak ikusgai ez egotea, besteak beste”.