bidasoamedia bidasoamedia

Asturiagako segada gogoratuko dute

1974 urteko maiatzaren 20an Guardia Zibilak eta Espainiako Poliziak Jose Luis Mondragon 27 urteko arrasatearra, eta Xabier Roque 21 urteko santurtziarra erail zituzten Hondarribiko Asturiaga harrizko hondartzan, Higer farolatik gertu. Iheslariak ziren biak, eta Jose Luis Arrondo Cocoliso “poliziak infiltratutako pertsona” zihoan haiekin batera. “Ez dugu aurkitu lekuko zuzenik, eta oso informazio urria daukagu eskura”, azaldu du Xabier Isasik, Asturiagako segadan hildakoak oroitzeko sortutako memoria taldeko kideak.

Sasetaren heriotzaren 80.urteurrena gogoratuko dute

80 urte beteko dira ostegunean, frankistek Kandido Saseta Euzko Gudarosteko komandante hondarribiarra hil zutenetik. Hori dela eta, bi omenaldi antolatu dituzte Hondarribiko kanposantuan, 2008tik haren gorpuzkiak gordetzen diren tokian. Eguerdian, 12:00etan, Sasetaren Aldeko Taldeak lore eskaintza egingo du bere hilobian. Eta arratsaldean, 17:00etan, ekitaldi instituzionala iragarrita dago; besteak beste, Txomin Sagarzazu Hondarribiko alkateak, Markel Olano ahaldun nagusiak eta Eusko Jaurlaritzako ordezkaritza batek parte hartuko dute.

Zabala Gogoan taldea osatu dute

Duela berrogei urte erabil zuten Josu Zabala irundarra Hondarribian. Guardia Zibilak hil zuen tiroz, 1976ko irailaren 8an. Alardearen egunean Amnistiaren alde egindako manifestazioaren ondoren izan zen. Gertatutakoa ahanzturan gelditu ez dadin, Zabala Gogoan taldea osatu dute Irungo eta Hondarribiko zenbait lagunek.

Gernika Batailoiko irundarrek omenaldia jasoko dute

Bigarren Mundu Gerran Gernika Batailoian borrokatu zuten 24 irundarrek omenaldia jasoko dute maiatzaren 20an. Foro Irun XXIek antolatu du. Gaur egun bizirik dauden Gernika Batailoiko bi gudarietako bat izango da bertan, Paco Perez Luzarreta irundarra, hain zuzen ere (94 urte ditu). Begi onez ikusi du omenaldia, eta halako ekimenen beharra dagoela baieztatu du.

1936-1945 garaiari buruzko dokumentala egin dute Hendaian

“Ez berriz holakorik! / Plus jamais ça” dokumentala egin du Hendaiako Herriko etxeak, 1936-1945 urteen artean herrian izandako elkartasunaren eta izugarrikerien inguruko lekukotzak biltzeko. Apirilaren 24an 19:00etan aurkeztuko dute Vairétés zine gelan, doako proiekzio batekin. Ondoren, protagonistekin hitz egiteko aukera egongo da.