bidasoamedia bidasoamedia

Irungo CAFeko langile ohi bat gaixotu du amiantoak

Jose Felix Vazquez Irungo CAFeko langile ohiari lanerako ezintasun iraunkor absolutua eman dio Espainiako Gizarte Segurantzako Institutuak. Aitortu du, gainera, langile horrek duen gaixotasuna, amiantoarekin lan egiteagatik sortu dela.

Bizkortze tekniketako ikastaroa antolatu du DYAk Hondarribian

Bihotz Biriketako Bizkortze (BBB) teknika familian ikasteko tailerra antolatu du DYAko Irakaskuntza Eskolak Hondarribian. Martxoaren 24an izango da, Soroetagain kaleko egoitzan, 17:00etatik 19:00etara. Dagoeneko izena emateko aukera dago.

Ikastaroa eskainiko du AFAGIk Hondarribian

Alzheimerra duten gaixoak zaintzen dituzten pertsonei zuzendutako ikastaroa eskainiko du AFAGI elkarteak Hondarribian. Hilaren 13tik aurrera izango da, Kultur Etxean. Eta hiru astean zehar, astelehen eta asteazkenetan 16:00etatik 19:00etara izango da. Hilaren 30ean, ostegunarekin izango da azken saioa. Dohainik bada ere, aldez aurretik izena eman beharra dago 943 31 73 24 deituz. www.afagi.eus web gunean jaso daitezke xehetasun gehiago.

Elikatu, mugitu eta bizi Garazi Lizarragarekin

Elikatu, mugitu eta bizi. Hauxe da Garazi Lizarraga dietista eta nutrizionistak lan egiterako orduan defendatzen duen leloa. Jarduera fisikoan eta haurren elikaduran espezializatu ostean, urtebete inguru darama bere kontsultan, eta haurrekin zein helduekin lan egiteko gogoak soberan dauzka. Kontsultako lanaz gainera, Antxeta Irratian zein bere blogean kronika bereziak burutzen ditu, unean-uneko gaietan zentratuz.

Anbulantzien kobertura indartzeko eskaerarekin bat egin dute Irungo eta Hondarribiko Udalek

Eskualdeko anbulantzien kobertura indartzeko eskaera babestu berri dute Irungo eta Hondarribiko Udalek. Ekainaren 20an, Fatima Ansotegi sailburuordearekin bilduko dira Jose Antonio Santano eta Txomin Sagarzazu Irungo eta Hondarribiko alkateak.

Larrialdietako ikastaroa eskainiko du DYAk Hondarribian

Bihotz-biriken geldialdi batean jokatzen ikasteko tailerra eskainiko du DYA erakundeak larunbatean, Hondarribian. San Pedro kalean izango da, 16:00etatik 19:0etara. Bihotz Biriken Suspertzearen (BBS) eguna izan zen ekainaren 1ean, eta horren arira ari dira tailerrak burutzen, Gipuzkoako hainbat herritan.

Erraustegiaren eraginari buruzko hitzaldia antolatu dute Oiasson

Erraustegiek osasunean duten eraginari buruzko hitzaldia egingo dute otsailaren 22an Oiasso Museoan. Erraustegiaren Aurkako Txingudiko Plataformak (EATP) prestatu du, eta ondorengoa da izenburua: “Ba al dakizu zein eragin duen Ingurumen Guneak edo erraustegiak osasunean?”. 19:30etan izango da, Irungo Oiasso Museoan.

Osasunaren inguruko topaketak egingo dituzte Irungo Alde Zaharrean

Osasunaren hilabetea izango da azaroa Irungo Alde Zaharrean. Izan ere, auzo elkarteak gaiaren inguruko zenbait jarduera antolatu ditu. Azaroaren 11n, bullyingaren gaia landuko dute, Irungo Ertzaintzaren ikuspegitik.

Guraso gazteentzako formazioa eskainiko du Irungo Udalak

Laster haurrak edukiko dituzten gurasoentzako ikastaroak antolatu ditu Irungo Udalak. Gurasoei babesa emateaz gainera, prebentzioa landu nahi dute ikastaro horien bidez, hiru gai nagusiren inguruan: osasuna eta zainketa, garapen psikologiko eta emozionala eta aisia, jolasa eta harreman sozialak. 36 orduko formazioa izango da.

Larrialdiei aurre egiteko ikastaroa eskainiko du DYAk

Gipuzkoako DYA erakundeko Irakaskuntza Eskolak larrialdi egoeretarako ikastaroa antolatu du Hondarribian. Uztailaren lehenean izango da, erakundeak Hondarribian duen egoitzan (Soroetagain kalea, 6, behea).