bidasoamedia bidasoamedia

Zubietako Parke Teknologikoaren alde egitea adostu du Hondarribiko udalbatzak

Hondarribiko etorkizunerako garrantzitsua den Zubietako Parke Teknologikoaren alde egitea adostu dute udal talde guztiek, EH Bilduk aurkeztutako mozio baten ondorioz. Hondarribiarentzat ez ezik, garapen teknologiko eta industrialaren aldeko akordioa ezinbestekoa dela iritzi dute.

Udal Gobernuko ituna hautsi dute

Bukatu da PSE-EEk eta EAJk Irungo Udal Gobernuan eduki duten ituna. 2015eko uztailean sinatu zuten, eta orduz geroztik elkarrekin aritu dira udalaren gidaritzan. Bi udal taldeek baieztatu dute hasieratik izan dituztela tentsioak, baina azken hilabeteetan, azalera atera eta agerian gelditu dira. Azkenean eztanda egin dute, itunaren amaiera ekartzeraino. José Antonio Santano alkate sozialistak Xabier Iridoy Hirigintza ordezkari jeltzalea kargugabetu du, kudeaketa txarra argudiatuta. Ondoren, EAJko beste bi ordezkariek dimisioak aurkeztu dituzte, eta sozialistek ordezkatu dituzte jada.

Iridoy kargugabetu du Santanok

Jose Antonio Santano Irungo alkateak (PSE-EE) kargutik kendu du Xabier Iridoy Hirigintza ordezkaria (EAJ). Arrazoi nagusia, Korrokoitz inguruko Hirigintza proiektuaren kudeaketa: “Akordioak ikerketa eta txosten teknikoen arabera hartzen dira. Beste era batera jarduteak arazo larriak ekar ditzake, eta hori hiri honetan ez dut onartuko. Politiko baten hitzetan ez da onargarria entzutea txosten teknikoek akordio bat babestuko dutela, hain zuzen ere, nik iragarri ez dudan akordio bat. Hirigintza arloko gardentasunean oinarrizko printzipioa da hori”.

Hartu Hitza Irun Elkartea sortu dute, 2018an Irunen Herri Galdeketa antolatzeko asmoz

Elkarte egitura hartu du Irunen, Gure Esku Dago dinamikaren baitan sortutako mugimenduak. Hartu Hitza Irun elkartearen izenean emango dituzte orain hurrengo urratsak, helburu ausart batekin: 2018 urtean Herri Galdeketa antolatzea, Euskal Herriaren etorkizun politikoaren inguruan. Talde irekia eta zabala dela azpimarratu dute zuzendaritza batzordeko kideek, kideen izaera, ideologia edo jatorriari dagokionez.

Harokareneren aldeko mobilizazioak deitu ditu Sortuk

Otsailaren 17an, ostiralean geratuko da aske Jean Pierre Harokarene, zigor osoa beteta. Faisan auziagatik espetxean dagoen azken presoa da. Hala ere, Espainiako poliziak Biriatun utziko du, Frantziako poliziaren esku. Hamar urtez Espainiako Estatuan sartzeko debeku eskaria egin du Espainiako poliziak. Eskari hori aztertu egingo dute, martxoaren 3an.

Eztabaida piztu da Irungo Udalean, klausula sozialak direla eta

Udaleko gizarte klausulen gaineko araudia osatu du udal gobernuak, eta hamabost eguneko epea eman die oposizioko taldeei berau aztertzeko. Irun Ahal Dugu eta EH Bildu talde politikoek kritika zorrotzak egin dizkiote jasotako zirriborroari.

Bi zerrendaburuak ordezkatu ditu Irungo EH Bilduk

2015eko udal hauteskundeetarako aurkeztutako lehendabiziko bi zerrendaburuen ordezkatu ditu Irungo EH Bildu talde politikoak. Oinatz Mitxelena bozeramailea, eta hauteskundetako zerrendan bigarren tokian zegoen Izaskun Sorondok haien postuak utzi dituzte.

Aurrekontua prestatu du Irungo Udalak

PSE-EEk eta EAJk osatzen duten Irungo gobernu taldeak 2017ko udal aurrekontuaren zirriborroa prestatu du. 72,16 milioi eurokoa da, iazkoa baino %3,41 handiagoa. Gainerako talde politikoek dagoeneko jaso dute proposamena, eta orain zuzenketak aurkezteko garaia dute. Abenduaren 16an amaituko da epea.

Aurrekontuari buruzko xehetasunak eman ditu Hondarribiko Udalak

18.900.000 euroko aurrekontua du Hondarribiko Udalak 2016rako. Diru kopuru hori zertan erabiliko duen azaldu du udal gobernuak. Baina lehenago, 2016-2019 eperako osatu duen Agintaldi Planaren berri eman du. 6 ardatz ditu, 30 helburu eta 78 proiektu zehatz. Epe luzerako helburu estrategikoak zehazteko modua izateaz gainera, kontrolerako tresna ere izango dela iragarri du Txomin Sagarzazu Hondarribiko alkateak. Urtetik urtera berrikusiko dutela baieztatu du.

Onartu dituzte Irungo aurrekontuak

2016ko Irungo Udal Aurrekontuak onartu dituzte urtarrilaren 27an, abendurako aurreikusita zegoen plenoa bertan behera gelditu ondoren. PSE, EAJ-PNV eta PP alderdietako kideek aurrekontuen aldeko 17 bozka eman dituzte. 8 izan dira kontrakoak, Si Se Puede Irun Ahal Dugu eta EH Bildurenak, hain zuzen ere. 69,7 milioi euroko aurrekontuak proposatu ditu udal gobernu taldeak, 75,4 milioi euro udalak kudeatzen dituen erakundeak kontuan hartuta. Onartutako emendakinekin beste 600.000 euro gaineratu behar zaizkio kopuruari.